Berarti mereka yang dituakan atau tetua dalam sebutan di Bali;
Pitutur dan nasehatnya yang baik biasanya menjadi pedoman atau panutan bagi generasi penerus selanjutnya.Kacrita olih Putu Sumawan di fb dalam Bahasa Bali;
"Kak, nu ngelah siap nang aukud? Baang ja tiang ngejuk malu, buin mani apang ade anggon aturan mapan di sanggah kemulan lakar piodalan""Beehh... sedeng melahe Ning, ibi Kak suba ngejuk siap ane brumbun ajak ane biing, ento suba juang aukud. Buin mani ingetang, gaenang sambel matah abedik, pang ade timpalang lungsuran be siape"
"Biiiih.... saje Kak, mani kel orahin men Eka ngelebihin ngae sambel matah, pang ade mase angon nimpalin kampid siap buka raos Kak'e.Kene nake malu Kak, ade ane nu sing keresep ban tiang, nu cen sujatine patut Kak? Ade anake nyambatang di sanggah kemulan ento linggih Tri Murti, ade mase nyambatang kemulan linggih Hyang kawitan lanang mwah istri, ade mase nyambatang linggih Tri Purusha. Nu cen sandang gugu ne, Kak?"
"Kene ento Ning, gegaman hindune di bali uling ipidan nak terus berkembang, ento ulian liu penglingsir ane wikan rauh ke bali laut mebekel gegaman metiosan.
Yan dugase rauh Mpu Kuturan, kemulan ento menadi linggih Tri Murti, Brahma, Wisnu, Ciwa. Suba lantas keto rauh buin Dang Hyang Nirarta, metu lantas Tri Purushane, Siwa, Sada Siwa, Parama Siwa.
Nah yan lantas johang buin bedik ngalih, dugase ipidan ade di jawe madan Kerajaan Medang Kamulan, Mataram Kuno.
Miribang Kak uling dini rerincikan sanggah kemulane metu.
Yan ne lantas anggo nembangin, gegaman buddha ngenen. Ane sisi kelod di kemulane linggih Vajrapani, ane sisi kaje kelinggihang Avalokitesvara, nah ane di tengah melinggih Vairocana.
Sujatine mekejang ento patuh sakewale len penyambat di gaman budha lan hindune.Nah yan jani cening lantas metakon nucen patut? Makejang patut, Yan sungkemin dadi linggih tri murti, dadi. Yan sungkemin care penarka gegaman buddhane, dadi. Yen sambatang ibunta, bapanta lan nunggal di tengah, dadi. Yan sungkemin menadi Tri Purusha, sing ken-ken.
Pamekasne nak mekejang patuh ento, sakewale lenan penyambat.Ade buin besik pabesen nak lingsir Ning, sujatine sanggah kemulan ento mase dadi tongos nunas ubad, nunas tambe. Tetelu bacakane malinggih ditu, keto mase ade di dewek irage, ade unsur yeh, ade api, ade angin.
Yen kuangan asane unsur yeh diawake, keto mase unsur ane lenan, di ajeng kemulan irage negak, nunas apange asing koangan di deweke sida kagenepin. Ento mekrana ade raos penglingsir, nyen ja seleg tangkil di ajeng kemulan, pepesan suba awakne seger oger.
Meeeeh.... matan aine suba nyerendeng kauh Ning, Kak konden kene ape-ape ne, ngoyong malu dini, Kak lakar neleokin I Dadong ke paon".
***
