Aja Were

Muani Gombal

Nak Muani Gombal artine di arep kurnané, ngorahang kurnan jegeg. Yen di sisi.. melotot matané nolih nak luh dengel..!!

Kacrita, Tumben.. semengan manis kenyemné i Jantuk, ngenjuhang kopi kenang iBoya di Bale daja..

"Kopi pait kan bli..?!" keto abetne iJantuk..
"Aee.. Kenyem nyaine kan subá manis..!!" iBoya mesaut sambil mecil hp, nolih-nolih status..
"Aisttt.. tumben..?!" iJantuk salah tingkah..

"Bli demen nolih nyai.. Nyai cantik alami.!!" buin iBoya nutugang raos gombalné.. Sambil iteh ia nu nolih hp..

"Bli.. Lamun ngeraos tolih nake muán iyange..!! Da hp dogen tolihá..!!" pesautné iJantuk manja
"Nden Luh.. Kadong iseng nolih foto-foto...(eitsss.. keceplosan iBoya mesaut..). 
"Foto apá bli..?!" iJantuk perjani bujuh..
"Fotooo..a..anu luh..!!"

"Ahhhhh... Nak muani mula gombal..!! Di arep kurnané, ngorahang kurnan jegeg. Yen di sisi.. melotot matané nolih nak luh sexi..!!" iJantuk ngambres mecelep ke paon...

"Boeee..??" iBoya caket sing mesaut..
***