Dan ada sebuah pepatah yang menyebutkan;
Ingetang gen karmapalane idup di gumine. sayang ken rerama, sinah buin pidan kal nemu bagia.
Artinya :
Ingat karma phala hidup di dunia ini, sayang sama orang tua pasti akan nemu bahagia.
Tersebutlah ada sebuah cerita "Memene Dije" ketika anak-anak mereka telah semua menjadi orang sukses, yang dalam bahasa Bali diceritakan.
Kacrita Suba nyaluk sandi kaon, Pan Bali teka uli carike laut metakon ken Men Bali...
"Iwayan dija, Memene?"
"Nto ye melajah di kamarne" keto pesautne Men Bali.
"Mun, Imade nak kija?"
"Ye ngae ketrampilan di bale dlod"
"Inyoman dija?"
"Uling tuni mebalih tivi"
Sabilang pianak"ne teka uli sekolah, makejang pada nakonang....
"Memene dija?"
Konyo mesadu ken memene, nyatuang unduk di sekolah. Iwayan ngajumang nilai ulangane. Imade nutur guru"ne baud. Inyoman ngorahin timpalne nakal".
Men Bali madingehang sambil ngusu usuin sirah pianak"ne kenyem kenyem.
Sakewala galahe terus mejalan.....
Sakewala galahe terus mejalan.....
Pianak"ne jani suba pada kelih, pada ririh. Suba ado ne nganten tur nglah pianak. Iwayan dadi dokter nongos di kota. Imade dadi polisi nugas di jawa.
Nu I Nyoman gen jumah krana nu kuliah.
Sabilang teka li uma, nu masih inget Pan Bali metakon ken kurenan ne...
"Iwayan sing ado singgah, Memene?"Negak lantas Pan Bali jak kurenan ne di ampik paone.
"Tusing, mirib sedeng liyu pasien ne?"
"Imade sing maan nelpon?"
"Sing masih...mirib ye nu sibuk"
"Men, inyoman kija?"
"Ento di kamare ngae tugas!"
"Tetelu iraga nglah pianak, mantu dadua, nemnem cucune...inih ye rame benehne umahe, Memene?"
Keto ye ngarenggeng Pan Bali ken kurenan ne. Men Bali nguntul sambil ngetelang yeh mata.
Nyanggra lantas Ngusaba di desane, mimihh sing kodag kone kendelne Men Bali ngantiang pianak lan cucune teka.
"Sinah suba rame jani natahe. Iraga tua lakar garang cucu. Ada ne ngeling nagih megandong. Ado ne ngambul nagih meabin"
Keto kenehne Men Bali sambilange kenyem kenyem pedidine.
Di panumayane...nyak saje teka pianak lan cucu"ne. Makejang mulih ngaba mobil. MIMIHHH...aeng legane Men Bali nyagjagin mobilne iwayan. Pang maan gen nyangkolin cucune.
"Ayukk...anak" salam dulu sama nenek?"
"Ayukk...anak" salam dulu sama nenek?"
Keto munyin kurene iwayan. Buka telu panak"ne iwayan salim ken Men Bali. Ye mara ukane niman cucune, buin mantune ngomong...
"Ayukk cepat kedalem, di luar cuacanya panas banyak debu. Nanti kalian sakit!"
Buung Men Bali niman cucune. Matolihan ye sik Pan Bali, kurenan ne nguntul sing mesaut.
Mara ukane macelep, teka pianakne imade ngaba mobil barak.
Buin kendel atine Men Bali nepuk pianakne. Sakewala lacur,,,patuh ane katerima. Makejang macelep ke kamare, kadirasa nyambat sara ken rerama ne sing sempat.
Apa buin kal metakon...
"Meme Bapa seger?"
Konyo sibuk ken urusane. Iwayan pragat diep laptopne den. Imade sibuk uli tuni mecil hape. Inyoman iteh di kamarne dogen.
"Bapane...tyang dot gati negakin mobilne imade. Bantes ajaka ked di pasih den kal kanggoang?"
Keto raosne Men Bali sambil usu usuine mobil barake nto. Sing rumasa ngetel yeh paningalane. Pangenahne saje Men Bali ngusuin mobil, sakewala di kenehne dot gati ngusuin sirah pianak"ne.
Keto raosne Men Bali sambil usu usuine mobil barake nto. Sing rumasa ngetel yeh paningalane. Pangenahne saje Men Bali ngusuin mobil, sakewala di kenehne dot gati ngusuin sirah pianak"ne.
Abulan mejalan.....Men Bali jani gelem kanti nginep di rumah sakit. Inyoman suba nelpun bli bline.
"Bli nu sibuk, Man? Sedeng ujian ngalih spesialis?" Keto sautne bline iwayan.
"Bli sing maan cuti? Benjep transferin ye pipis anggon biaya rumah sakit!"
Keto imade masih sing ngidang teka.
Kedua pianakne sing ngidang teka nelokin. Kanti lantas Men Bali ngalahin.
Di setrane....gerong gerong ngeling pianak"ne. Ngorang dewekne nu sayang gati ken meme. Ngidih pelih onden ngidang ngae memene bagia....
Sakewala imeme suba di beten gumuke. Igumuk sing ngidang ngusu usuin sirah ipianak. Gumuke sing ngidang nyangkol cucu"ne. Igumuk sing ngidang menekin mobil barak.
Pan Bali sedihe tan kadi kadi. Mapan liyu pesan tawange ane dotang Men Bali tonden kaisinin. Pan Bali ngomong pedidine ken gumuke...
"Memene....iwayan dija? Sing mesaut Men Bali"Imade dija...Memene?" Kanti membah ketelan yeh matane Pan Bali. Sing masih kurenan ne mesaut."Inyoman dijaaaa....Memeneeeeee"
Bah Pan Bali disamping gumuk kurenan ne. Buin kejepan,disubane iye inget....
buin Pan Bali metakon....
buin Pan Bali metakon....
"MEMENE....DIJAA?"
